Monday, April 15, 2019
Monday, March 9, 2015
تفاؤلية
Sunday, March 30, 2014
و يحبها
حبا يباريه الجنون
و يحار من يلقاهما
أتكونه..ام أنه هي من يكون
قتلا كلام الحب في تكراره
قتلا الهوى..قتلا الجوى
أحيا الشجون مع الشجون
كم ساءلته دموع عينيها الحزينة
عما مضى..عما أتى
وما ستحمله السنون؟
فيجيبها والحزن يثقب قلبه
محبوبتي: .....محبوبتي
لله إنا راجعون
لله إنا راجعون
Tuesday, March 27, 2012
Tuesday, February 7, 2012
Monday, February 14, 2011
أحزان النصر
محلا ساعات الفرح
لما نكون صُحبة
محلا خطاوي الشعوب
لما تكون قدام
و أنا بين ضلام وحدتي
و مرارة الغربة
ضميتني في حضنها
ربوع بلاد الشام
و تابعت أنا و الفتى
_إسم الكريم "نشأت"_
زوال حكومة الغجر،
و تراجع الأزلام
من كتر فرحه لنا
شكيت يكون مصري
كان نفسي أقوم أحضنه
و أقول له أي كلام
و كلامي في جملته
ما يقولش أي كلام
فرحان أكيد بالبطل
شعبي اللي هب و قام
لكني يابن الحريري
خايف من الأيام
لتكون على عهدها
من سيئة لأسوأ
و الطفل شرب اللبن،
و لابد تاني ينام
"غليظ " أنا و مكتئب؟؟؟
يمكن كلامكو صحيح
لكني يا عزوتي
و انا بسمع التصريح
بأننا ف عهدنا
مع الصهاينة دوام
حسيت بأن البلد
لسه ماهيش بلدي
يمكن راعيها اختلف
يمكن فؤادها ائتلف
لكنها للأسف
في حلفها الأبدي
مع كلاب صهيون
على حساب بلدي
بلدي الكبير أُمِّتي
قلبي أنا و كَبَدي
بلد الصمود "غزتي"
مغروس هناك وَتَدي
ملعونة حريتي
لو هشتريها بدم
دم الشهيد في الخليل
و أخويا و ابن العم
ملعون أبوها الحدود
معبر رفح مسدود
يفارقني ليه الهم؟؟؟!!
يفارقني ليه الهم؟؟؟!!
Saturday, February 12, 2011
رباعيات للثورة
نحني لشبابك كل هام
قايم بيرسم شمس بكره
بثورته ضد النظام
يا أيها الشعب اللي ثار
خايف تتوه بالانتصار
و تطاطي تاني لليهود
أو تنسى غزة و الحصار
يا أيها الشعب العنيد
هذا العنيد راحل أكيد
و لا يدوم إلا الإله
و النصر عايز إيد ف إيد
يا أيها الشعب الشجاع
بالثورة أ سقطت القناع
و اللي اشترى بأغلى تمن
لما اتزنق بالرخص باع
يا أيها الشعب الصبور
إياك يصيبك م الغرور
أنا لا أشاء و لاتشاء
حتى يشاء رب الأمور
يا أيها الشعب النبيه
مانتاش جبان مانتاش سفيه
"سليمان" ماكانش ف يوم ولي
العم سام له نظرة فيه